Peña la Guitarra

Soi una guitarra. Non una guitarra cualquiera. Soi la guitarra del descensu de Llaviana. Nací nel añu 1.996, meyor dicho, naciéronme unos rapazos que enantes de llegar yo al mundu ya fueran de too: piratas, bebes, graduaos, vaqueros -tamién un poco indios- y hasta romanos, con un puente col que ganaron la soperina. ¡Qué inxustu ye´l mundu! Esti puentacu con baxar una vez ganó un premiu y yo que ya llevo diecisiete años, na de na.



Nun me quexo non, el mio premiu ye ver como ca añu los mozos y moces que me dieron la vida siguen xuntos cola mesma illusión que teníen a los venti años agora que tan alrodiu los cuarenta. Entamaron siendo venticinco y agora anden pelos cien participantes, eso si que ye un ésitu y non el del puentacu ruin esi.

 

Y lléname de orguyu y satisfacción, como diz aquel, que nestos años la peña s´ampliara colos fíos de los fundaores y colos collacios de los collacios que de tolos llaos vienen. Conmigo baxaron xente de Canadá, Bélxica, Polonia… hasta chinos. Vistiéronme de too: de buda, de alemana, de heavy, de mexicana… sólo me falta… nun sé, ¡de Papa Noel!

  

Pidiéronme estos llocos de la guitarra qu´escribiera estes llinies porque quieren da-y a la fiesta´l descensu un nuevu puxu… Y cuntaronme que hai mozos nuevos que quieren que la fiesta siga alantre. Préstame muncho porque quiero cumplir el 25 aniversariu moyándome les cuerdes nes agües fríes del Nalón. Asína que namás me queda dicir: 
 
Puxa La Chalana, puxa Llaviana, puxa Asturies, 
puxa la peña La Guitarra … Y si llueve que llueva.
 

Recorrido

Recorrido Descenso

Cartel 2019

2019

Please publish modules in offcanvas position.

All for Joomla All for Webmasters